මේ ඝාතකයාගේ ගොදුරු බවට පත් වුණේ බොහෝ විට සමාජයේ කොන් වුණු හෝ අන්ත අසරණ මිනිසුන්. ඒ නිසාම මේ අපරාධ සොයා යන එක ගොඩක් අමාරු වුණා. නමුත් මේ සිද්ධිය අනෙක් ඒවාට වඩා වෙනස් වුණේ මිය ගිය සංඛ්යාව නිසා විතරක් නෙවෙයි, ඝාතකයා සිරුරු වලට කර තිබූ දමා තිබූ ඉතාම සැලසුම් සහගත සහ වෛද්ය විද්යාත්මක දැනුමකින් කළා යැයි සිතිය හැකි දරුණු සහ පිළිකුල් හානිය නිසයි.
බියෙන් වෙලී ගිය නගරය 
1930 ගණන් වලදී, ඇමරිකානු ඉතිහාසයේ සිදුවූ අතිෂය භියජනක සිදුවීමක කේන්ද්රස්ථානය බවට ක්ලීව්ලන්ඩ් (Cleveland) කාර්මික නගරය පත් වුණා. මේ ඝාතකයාගේ ගොදුරු බවට පත් වුණේ බොහෝ විට සමාජයේ කොන් වුණු හෝ අන්ත අසරණ මිනිසුන්. ඒ නිසාම මේ අපරාධ සොයා යන එක ගොඩක් අමාරු වුණා. නමුත් මේ සිද්ධිය අනෙක් ඒවාට වඩා වෙනස් වුණේ මිය ගිය සංඛ්යාව නිසා විතරක් නෙවෙයි, ඝාතකයා සිරුරු වලට කර තිබූ දමා තිබූ ඉතාම සැලසුම් සහගත සහ වෛද්ය විද්යාත්මක දැනුමකින් කළා යැයි සිතිය හැකි දරුණු සහ පිළිකුල් හානිය නිසයි.
මළසිරුරු වලට කර තිබූ දේ ක්ලීව්ලන්ඩ් ටෝසෝ ඝාතන වලදී හමුවුණු සිරුරු තිබුණේ අතිශය බිහිසුණු සහ ඉතාම නිවැරදි ලෙස අවයව වෙන් කළ තත්ත්වයකයි. මෙයින් පෙනී ගියේ ඝාතකයාට ශරීර ව්යුහ විද්යාව හෝ සැත්කම් පිළිබඳ මනා දැනුමක් තිබූ බවයි. බොහෝ වින්දිතයන්ගේ හිස කඳින් වෙන් කර තිබූ අතර සන්ධි ස්ථාන වලින් ශරීර කොටස් වෙන් කර තිබුණා. එමෙන්ම ඉතාම නින්දිත ලක්ෂණයක් ලෙස, බොහෝ පිරිමි වින්දිතයන්ගේ ලිංගික අවයව ශල්යකර්මයකින් මෙන් කපා ඉවත් කර තිබුණා.
ඝාතකයාගේ ප්රචණ්ඩත්වය වැඩිවත්ම, සමහර වින්දිතයන්ගේ බඩවැල් සම්පූර්ණයෙන්ම ඉවත් කර තිබූ අතර වකුගඩු, ආමාශය හෝ හදවත පවා සිරුරෙන් ඉරා දමා හෝ හෝ ශල්යකර්මයකින් මෙන් කපා ඉවත් කර තිබුණා. මෙහි තිබුණු තවත් බියකරු ලක්ෂණයක් වුණේ සිරුරු වල ලේ සම්පූර්ණයෙන්ම ඉවත් කර තිබීමයි. අවස්ථා කිහිපයකදී සිරුරු නරක් වීම වේගවත් කිරීම සඳහා රසායනික ද්රව්ය පාවිච්චි කර තිබූ නිසා සම රතු පැහැති ලෙදර් වැනි ස්වභාවයකට පත්ව තිබුණා. නිතරම හිස කොටස අතුරුදන් වී තිබීම සහ සිරුරු නරක් වූ තත්ත්වයේ තිබීම නිසා, නිල වශයෙන් වාර්තා වූ වින්දිතයන් 12 දෙනාගෙන් කවුදැයි කියා හඳුනා ගැනීමට හැකි වුණේ තිදෙනෙකු පමණයි. සිරුරු කොටස් බොහෝ විට ගෝනි වල හෝ පත්තර කොළවල ඔතා "කිංග්ස්බරි රන්" (Kingsbury Run) නම් කාර්මික ප්රදේශයට දමා තිබුණා. මේ "පිරිසිදුව කොටස් වෙන් කළ" සිරුරු නිසා මුළු නගරයම දීර්ඝ කාලයක් මරණ බියෙන් වෙලී සිටියා.
වෛද්ය පරීක්ෂණ වලින් හෙළි වූ දේ 
පරීක්ෂණ වලදී පෙනී ගියේ බොහෝ අය මියගොස් තිබුණේ සිරුරු කොටස් කිරීමට පෙර බවයි. මරණයට ප්රධාන හේතුව ලෙස දැඩි පහරදීම් හෝ කැපුම් තුවාල හඳුනා ගත්තා. සිරුරු කොටස් කර තිබූ ආකාරය අවුල් සහගත එකක් නෙවෙයි. එය ඉතාම ක්රමානුකූලව කළ දෙයක් බව පෙනී ගියා. මෙයින් පැහැදිලි වුණේ මේවා ක්ෂණික කෝපයට කළ දේවල් නොව, ඉතා හොඳින් සැලසුම් කළ ඝාතන බවයි.
“මෑඩ් බුචර්” (The Mad Butcher) 
මේ නන්නාඳුනන ඝාතකයා “කිංග්ස්බරි රන්හි උමතු මස් මරන්නා” විදිහට ප්රසිද්ධ වුණා. මේ කතාව තවත් බය හිතෙන එකක් වුණේ ඝාතකයාගේ තිබුණු දැඩි විශ්වාසය නිසයි. සමහර වෙලාවට ඔහු සිරුරු දමා ගියේ ඕනෑම කෙනෙකුට ලේසියෙන් පෙනෙන තැන්වලයි. එය හරියට ඔහුට අවධානය අවශ්යයි වගේ, එහෙමත් නැත්නම් ඔහු නීතියට අභියෝග කරනවා වගෙයි පෙනුණේ.
ඉහළ පෙළේ පරීක්ෂණ 
ප්රසිද්ධ අපරාධකාරයෙක් වූ අල් කපෝන්ව (Al Capone) පවා අල්ලා ගැනීමට සමත් වූ එලියට් නස් (Eliot Ness) ගේ අවධානය මේ නඩුවට යොමු වුණා. ඔහු කෙතරම් දක්ෂයෙක් වුණත්, මේ ඝාතකයා ගැන කිසිම හෝඩුවාවක් සොයා ගන්න ඔහුටත් බැරි වුණා. විවිධ වැටලීම් කළා, සැකකරුවන්ගෙන් ප්රශ්න කළා, මුළු ප්රදේශයම සෝදිසි කළා. හැබැයි කිසිම කෙනෙක්ව අත්අඩංගුවට ගන්න තරම් ස්ථිර සාක්ෂියක් ලැබුණේ නැහැ.
මතවාද සහ සැකකරුවන් 
වසර ගණනාවක් තිස්සේ වෛද්ය පසුබිමක් ඇති පුද්ගලයන් ඇතුළු කිහිප දෙනෙක් ගැනම සැක පහළ වුණා. සිරුරු කොටස් කර තිබූ නිරවද්යතාවය නිසා ඝාතකයා ශල්ය වෛද්යවරයෙක් හෝ මස් මරන්නෙක් විය හැකි බවට බොහෝ දෙනා විශ්වාස කළා. හැබැයි මේ කිසිම මතයක් සැකයකින් තොරව ඔප්පු කරන්න කාටවත් පුළුවන් වුණේ නැහැ.
සදහටම ඉතිරි වුණු අබිරහසක් 
ක්ලීව්ලන්ඩ් ටෝසෝ ඝාතන අදටත් විසඳා නැති අබිරහසක්. වින්දිතයන්ගේ අනන්යතාවය මැකී යන ලෙස ඉතාම පරීක්ෂාකාරීව සිරුරු කොටස් කර තිබීම, අදටත් ඉතිහාසඥයන්ව සහ පරීක්ෂකයන්ව පුදුමයට පත් කරනවා. මෙය හුදෙක් ප්රචණ්ඩත්වයක් විතරක් නෙවෙයි. එය ඉතාම ක්රමානුකූල, සිතාමතා කළ, අතිශය දරුණු ක්රියාවක්.
ඉතිහාසයේ අඳුරු සෙවනැලි අතර, ඒ “උමතු මස් මරන්නා” කවුද කියන එක අදටත් මිනිස් ඇසට හසු නොවූ විශාලම අභිරහසක්.
හැමදාම අළුත් දේ දැන ගන්න | Follow SK MIND
ඉතින් ඔයා හිතන විදිහට මේ කවුද, මොකක්ද මේ අපරාධ වල අරමුණ
ඒ ගැන ඔයාගෙ වටිනා අදහස්, මතවාද හැමෝටම බලන්න පහලින් comment කරගෙන යන්න..ඒ වගේම තවත් කෙනෙකුට මේක කියවන්න share කරන්නත් අමතක කරන්න එපා