පාපැදියෙන් අතුරුදන් වී මාස ගණනකට පසු ඇටසැකිල්ල කාන්තාරයෙන් හමුවූ වයස අටේ දැරිය
විනාෂයක ආරම්භය 
1984 වසරේ එක් නිහඬ දවසක, ඇරිසෝනාහි ටක්සන් (Tucson) නුවර පදිංචි 8 හැවිරිදි "විකී ලින් හොස්කින්සන්" තමන්ගේ පාපැදියෙන් නිවසින් පිටත් වුණා. එය ඉතාම සාමාන්ය මොහොතක්. ඇය ආරක්ෂිතව ආපසු නිවසට පැමිණිය යුතු ගමනක්. නමුත් ඒ වෙනුවට ඇය කිසිදු හෝඩුවාවක් නැතිව අතුරුදන් වුණා. පැය කිහිපයක් ඇතුළත, ඇති වූ චකිතය බියක් බවට පත් වුණු අතර, කිසිම විශේෂයක් නැති සාමාන්ය වටපිටාවක් විශාල අබිරහසක කේන්ද්රස්ථානය බවට පත් වුණා.
අතුරුදන් වීම 
විකී අතුරුදන් වුණේ දවල් දවසේ සැවොම බලා සිටියදීයි. පසුව ඇගේ පාපැදිය පාර අයිනේ අතහැර දමා තිබියදී හමු වූ අතර, එය මොකක් හරි දරුණු දෙයක් සිද්ධ වී ඇති බව පෙන්වන නිහඬ නමුත් බියකරු සාක්ෂියක් වුණා. සිද්ධ වුණේ මොකක්ද කියලා සම්පූර්ණයෙන් පැහැදිලි කරන්න පුළුවන් සාක්ෂිකරුවන් කිසිවෙක් හිටියේ නැහැ. තිබුණේ ඇයව ක්ෂණිකව පැහැරගෙන යන්නට ඇති බව පෙන්වන සුළු තොරතුරු කිහිපයක් විතරයි. මේ අතුරුදන් වීමේ තිබුණු වේගය සහ සරල බව බලධාරීන්ව නොසන්සුන් කළ කරුණක් බවට පත් කළා.
සෙවීම සහ මුල්කාලීන පරීක්ෂණ 
බලධාරීන් සහ ස්වේච්ඡා සේවකයන් එක්ව ඇරිසෝනා ප්රාන්තය පුරා දැවැන්ත සෝදිසි මෙහෙයුමක් ආරම්භ කළා. පෝස්ටර් බෙදා හරින ලද අතර, බලධාරීන් ලැබුණු සෑම හෝඩුවාවක්ම පසුපස ගියා. එතරම් වෙහෙස මහන්සි වුණත්, ඇය ගිය මඟ ගැන පැහැදිලි හෝඩුවාවක් ලැබුණේ නැහැ. සීමිත ශාරීරික සාක්ෂි සහ ඒ වෙලාවේ ස්ථිර සැකකරුවෙකු නොමැති වීම නිසා, පරීක්ෂණ වල වේගය ක්රමයෙන් අඩු වුණා. ඉතිරි වුණේ පිළිතුරු වෙනුවට වේදනාකාරී හිස්තැනක් විතරයි.
අද්භූත සැකකරු 
වසර කිහිපයකට පසු, විකී අතුරුදන් වූ කාලයේ ඒ අවට සැරිසැරූ "ෆ්රෑන්ක් ඇට්වුඩ් (Frank Atwood)" නම් පුද්ගලයෙකු වෙත සැකය යොමු වුණා. ඔහුගේ අතීතය සහ ඔහුගේ ගමන් බිමන් නිසා බරපතල ප්රශ්න මතු වුණා. ඔහු මෙයට සම්බන්ධ නැති බව පැවසුවත්, සාක්ෂිකරුවන්ගේ ප්රකාශ සහ අවට තිබුණු තොරතුරු පදනම් කරගෙන පරීක්ෂකයන් ගොඩනැගූ තර්ක විතර්ක උපකල්පන සහ නිගමන නිසා අවසානයේ ඔහු වැරදිකරු බවට තීරණය වුණා.
කළකට පසු හමුවූ ඛේදජනක සාක්ශිය 
ඇය අතුරුදන් වී මාස හතකට පසු, විකීගේ යැයි විශ්වාස කළ හැකි අසම්පූර්ණ ඇටසැකිලි කොටස් ඇරිසෝනාහි හුදකලා කාන්තාර ප්රදේශයක තිබී සොයා ගත්තා. එම අවශේෂ කොටස් සම්පූර්ණ නොවූ අතර, ඉතා දීර්ඝ කාලයක් තිස්සේ දරුණු පරිසරයකට නිරාවරණය වී තිබුණා. දැඩි රශ්මිය, වන සතුන් සහ ස්වභාවිකව සිරුර දිරාපත්වීම නිසා ඒවායේ තත්ත්වය ගොඩක් වෙනස් වී තිබූ අතර, එම නිසා සවිස්තරාත්මක වෛද්ය පරීක්ෂණයක් කිරීම අතිශය දුෂ්කර වුණා.
නොවිසඳුනු ප්රශ්න 
හමු වූයේ ඇටසැකිලි කොටස් පමණක් වූ නිසා, මරණයට නිශ්චිත හේතුව තීරණය කිරීමට පරීක්ෂකයන්ට නොහැකි වුණා. කිසියම් නිශ්චිත ආයුධයක් හෝ ඇය ඝාතනය වූවේ මෙලෙස යැයි නිවැරදි ක්රමයක් ගැන පැහැදිලි ලකුණු තිබුණේ නැහැ. සිරුරේ කොටස් විසිරී තිබූ ආකාරයෙන් පෙනී ගියේ සිරුර කොටස් කර එහි ගෙන ගොස් ඇති බවත් පසුව පාරිසරික බලපෑම් මත සහ සතුන් ආහාරයට ගැනීම නිසා එය මෙලෙස කාලයත් සමඟ විවිධ බලපෑම් වලට ලක් වී ඇති බවයි. මේ සීමාවන් නිසා බොහෝ තීරණාත්මක තොරතුරු, ඇය මියගියේ කොහොමද, ඇගේ අවසන් මොහොතේ මොකක්ද වුණේ වැනි දේවල් සම්පූර්ණයෙන් ප්රතිනිර්මාණය කිරීමට නොහැකි වුණා.
සම්පූර්ණ නොවූ යුක්තිය ෆ්රෑන්ක් ඇට්වුඩ් වැරදිකරු වුවත්, මෙම සිදුවීම තවමත් අසම්පූර්ණ බවක් ඇති බව බොහෝ දෙනා විශ්වාස කරනවා. විද්යාත්මකව තහවුරු කළ නිශ්චිත පිළිතුරු නොමැති වීම නිසා කිසිම පරීක්ෂණයකින් පියවිය නොහැකි හිස්තැනක් ඉතිරි වී තිබෙනවා. ඇගේ පවුලේ අයට නීතිය ඉදිරියේ යුක්තිය ලැබුණත්, සිදුවූ දේ ගැන සම්පූර්ණ අවබෝධයක් ලැබුණේ නැහැ. විශේෂයෙන්ම අපරාධකරු ලෙස නීතිය ඉදිරියේ පුද්ගලයෙකු වරදකරු වී ඇති සිදුවීමක් වුවත් තවමත් මේ කුඩා දැරියට සිදුවුනේ කුමක්දැයි හරියට ලෝකයාට හෙලි නොවීමත්, ඔහුගෙන් නිසි පැහැදිලි කිරීමක් මේ අපරාධය සම්බන්ධව ස්ථිරව හෙලි නොවීමත් සැක සහිත බව බහුතර මතය වී තියෙනවා.
අදටත් දෝංකාර දෙන අබිරහසක් විකී ලින් හොස්කින්සන්ගේ කතාව හුදෙක් අපරාධයක් ගැන කතාවක් විතරක් නෙවෙයි. එය ඉතිරි වූ නිහඬතාවය පිළිබඳ කතාවක්. දරුවෙක් අතුරුදන් වුණා, සත්යයේ කොටස් කිහිපයක් සොයා ගත්තා, නමුත් සම්පූර්ණ කතාව තවමත් අපෙන් ඈතින් පවතිනවා.
අදටත්, එකම බියකරු ප්රශ්නය ඉතිරිව තිබෙනවා. ඒ තමයි කිසිවෙකු නොදුටු ඒ අවසන් මොහොතේ ඇත්තටම සිද්ධ වුණේ මොකක්ද කියන එක
හැමදාම අළුත් දේ දැන ගන්න | Follow SK MIND
මේ ගැන ඔයාගෙ වටිනා අදහස්, මතවාද හැමෝටම බලන්න පහලින් comment කරගෙන යන්න..ඒ වගේම තවත් කෙනෙකුට මේක කියවන්න share කරන්නත් අමතක කරන්න එපා ( ප.ලි : ෆොටෝ ෆැක්ට් එකේ වසර නෙමෙයි මාස ගණනකට පසුව කියලයි එන්න ඕනා. මාස 7 කට වගේ පස්සේ 1985 අප්රේල් 12 දි )